Artritis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'artritis (d'o griego antigo ἄρθρον árthron "chugadero") y ῖτις îtis "perteneixient a")^[1] ye l'inflamación d'as articulacions, que fan mal, se rinflan y son calients a lo tacto. As articulacions afectadas pierden mobilidat y pueden plegar a deformar-se.

Si afecta nomás a una articulación se diz monoartritis, cuan son 2 u 3 recibe lo nombre d'oligoartritis y si afecta 4 u mas de vez, se denomina poliartritis.

No ha de trafucar-se l'artritis con l'artrosi, a cual ye una malautía dechenerativa y no inflamatoria.

I hai mas de 100 tipos d'artritis.^[2] As formas mas comuns son l'osteoartritis (malotía dechenerativa d'as articulacions) y l'artritis reumatoide. L'osteoartritis per un regular ocurre con a edat y afecta los didos, os chenullos y las ancas. L'artritis reumatoide ye un trestuque autoimmune que a ormino afecta las mans y los pietz. Atros tipos incluyen ciragra u gota, lupus, fibromialgia y artritis septica. Toz son tipos de malautías reumaticas.

O tractamiento puede incluyir escansar a chugadera y alternar entre aplicar chelo y calor.^[3] A perda de peso y l'exercicio tamién pueden fer buena honra.^[4] As medecinas recomendadas pueden depender d'a forma d'artritis. Istos pueden incluyir analchesicos como ibuprofeno y paracetamol. En cualques circumstancias, un reemplazo d'articulación puede fer avío.

En cheneral, a malautía se torna mas común con a edat. L'artritis ye una razón comuna per a cual as personas mancan a lo treballo y puede resultar en una disminución d'a calidat de vida.

1. ↑ (en) Leonard C (2015). Quick & Easy Medical Terminology - E-Book. Elsevier Health Sciences. p. 160. ISBN 9780323370646.
2. ↑ (en) Athanasiou, Kyriacos A.; Darling, Eric M.; Hu, Jerry C.; DuRaine, Grayson D.; Reddi, A. Hari (2013). Articular Cartilage. CRC Press. p. 105. ISBN 9781439853252.
3. ↑ (en) SIDE EFFECTS MAY INCLUDE STRANGERS, McGill-Queen's University Press, 2020-10-22, p. 27, doi:10.2307/j.ctv1ghv4jh.24, S2CID 243669150
4. ↑ (en) "Blood-pressure pill may also aid weight loss". New Scientist. 198 (2654): 2008. doi:10.1016/s0262-4079(08)61076-3. ISSN 0262-4079.